monumenta.ch > Hieronymus > sectio 7 > sectio 52 > sectio 44 > sectio 6 > bsbClm6224.181 > sectio 45 > sluMscr.Dresd.App.1092.240 > R > sectio 32 > sluMscr.Dresd.App.1092.237 > Canticum, 7 > sectio 29 > Psalmi, 101 > sectio 21 > Matthaeus, 10 > bavPal.lat.1669.94 > sectio > bsbClm6436.40 > Psalmi, 119 > sluMscr.Dresd.App.1092.238 > Psalmi, 85 > 19
Isidorus, Differentiae, 2, XVIII <<<     >>> XX

XIX SHOW LINKS TO MANUSCRIPTS

74	Inter infantiam et pueritiam, et reliquas aetates, sapientes ita definierunt. Prima hominis aetas infantia, secunda pueritia, tertia adolescentia, quarta iuventus, quinta senectus, sexta senium. Duae primae aetates singulis annorum terminantur hebdomadibus, propter simplicem vitam. Nam infantia septimo anno finitur, quartodecimo pueritia, dehinc sequens adolescentia duabus constat hebdomadibus propter intellectum et actionem. Quae duae nondum erant in pueris, et porrigitur haec aetas a quinto decimo anno usque ad XXVIII.
75	Post haec succedens iuventus tribus hebdomadibus permanet, propter tria illa, intellectum et actionem, corporisque virtutem. Ista aetas a XXVIII anno exoritur, et quagragesimo nono consummatur, quando et in feminis partus deficit.
76	Porro senectus quatuor hebdomadibus completur propter accedentem illis tribus animi et corporis gravitatem. Incipit enim haec aetas a quinquagesimo anno, et septuagesimo septimo terminatur. Ultima vero senium nullo certo annorum tempore definitur, sed solo naturae fine concluditur.